Հայկական ուսումնասիրությունների ԱՆԻ կենտրոնը և Թիվ 1 Մեդիան հրավիրում են ձեզ քննարկման «Էրդողանի ու Պուտինի 2+2 մոդելը՝ Հարավային Կովկասը Թուրքիա-Ռուսաստան առանցքում» թեմայով:
Լրագրող Թաթուլ Հակոբյանի զրուցակիցը թուրքագետ Հայկ Գաբրիելյանն է:
Քննարկումը կկայանա չորեքշաբթի օրը, հուլիսի 17-ին, երեկոյան ժամը 18:30-ից 19:30-ը The Club-ում (Թումանյան 40, Երևան):
Քննարկման ընթացքում կներկայացվի Հայկ Գաբրիելյանի նոր հատորը, որ կրում է «Էրդողանի ու Պուտինի 2+2 մոդելը» վերնագիրը:
Այս տարվա ընթացքում սա Գաբրիելյանի երրորդ գիրքն է: Եթե նախորդ երկուսը վերաբերում էին Թուրքիայի ներքին քաղաքականությանը, ապա այս մեկը և մինչև տարեվերջ լույս տեսնելիք 4-րդ և 5-րդ հատորները Թուրքիայի արտաքին քաղաքականության մասին է:
Մեկ ժամանոց քննարկումը ամբողջությամբ կնկարահանվի և կտեղադրվի Թիվ 1 Մեդիայի և ԱՆԻ կենտրոնի Յութուբի ալիքներում:
Քննարկման ընթացքում կլինի թեյի և սուրճի հյուրասիրություն:
Քանի որ տեղերը սահմանափակ են, ցանկալի կլինի, որպեսզի մասնակիցները իրենց ներկայությունը նախապես հաստատեն՝ նամակ ուղարկելով aniarcf@gmail.com էլեկտրոնային հասցեին կամ ֆեյսբուքի այս մեսինջերին:
Հայկական ուսումնասիրությունների ԱՆԻ կենտրոն
