Առաջիկա օրերին Հայաստան են այցելելու աշխարհում ամենաճանաչված մարդկանցից Քիմ Քարդաշյանը և Վլադիմիր Պուտինը:
Քիմ Քարդաշյանը մտադիր է Հայաստանում աշխատատեղեր ստեղծել. ՍիվիլՆեթ
Ամերիկահայ հեռուստաաստղ Քիմ Քարդաշյանը Թվիթերում գրառում է արել Հայաստան իր առաջիկա այցի մասին։
«Առաջիկա երկու շաբաթներին կայցելեմ Հայաստան և հույս ունեմ առևտուրը մեծացնելու և հայերի համար նոր աշխատատեղեր ստեղծելու ուղիներ գտնել, ինչը կարող է ներառել ապագայում այնտեղ SKIMS-ի արտադրությունը»,- գրել է նա։
Kim Kardashian West✔@KimKardashian
«Շնորհակալ եմ։ Ես տքնաջան աշխատել եմ այդ ուղղությամբ և հույս ունեմ, որ Հայաստան այցս կբերի հրաշալի նորություններ, քանի որ մեծ ծրագրեր ունեմ»։
Քարդաշյանը անդրադարձել է նաև Թուրքիայում SKIMS ապրանքանիշի արտադրություն հիմնելու իր ծրագրերին․ «Մենք դատապարտում ենք անցյալի վրա հիմնված ամեն տեսակի խտրականություն՝ ինչ-որ մեկի կամ ինչ-որ ազգի նկատմամբ»։
Kim Kardashian West✔@KimKardashian
Thank you! I’ve been working extremely hard on this matter and hope my trip to Armenia will bring some amazing news because I have big plans! https://twitter.com/anca_dc/status/1177369180665987072 …
ANCA✔@ANCA_DC
Replying to @KimKardashianThank you @KimKardashian for considering #Armenia as a future site for @skims production!
We look forward to your upcoming trip to Armenia, value all you do to share our heritage, and love and respect your family’s passion for #Armenian #Genocide recognition.
Քիմ Քարդաշյանը Երևանում կմասնակցի WCIT-2019 համաժողովին. ՍիվիլՆեթ
Ամերիկահայ հեռուստաաստղ Քիմ Քարդաշյան-Վեսթը կայցելի Հայաստան՝ մասնակցելու է WCIT-2019 տեղեկատվական տեխնոլոգիաների 23-րդ համաշխարհային համաժողովին՝ որպես հատուկ հիմնական զեկուցող և պանելիստ։ Միջոցառումն այս տարի տեղի է ունենալու Երևանում հոկտեմբերի 6-9-ին։
«Քիմ Քարդաշյան-Վեսթը հանդես կգա «Գաղափարների շուկա» լիագումար նիստում, որտեղ կքննարկվի, թե ապակենտրոնացված տեխնոլոգիաները որքանով են նպաստել ժամանցի, մեդիայի և լրագրության աշխարհների ժողովրդայնացմանը և թե որքանով են հեղափոխել արվեստի, տեղեկատվության տարածման մեր մեթոդները՝ նոր աստղեր պատրաստելու ճանապարհին: «Գաղափարների շուկա» պանելային քննարկումները կպարզեն, թե ինչ են նշանակում այս զարգացումները անձնական կյանքի գաղտնիության, սոցիալական հարաբերությունների, ինստիտուտների նկատմամբ վստահության և նոր բիզնես մոդելների համար:
«Գաղափարների շուկա» պանելի ընթացքում անհատական ելույթից հետո Քիմ Քարդաշյան-Վեսթը դեմ առ դեմ հարցազրույց կունենա, այնուհետև բեմին կմիանա պանելիստների ականավոր գործիչների խմբին, որոնց շարքում կլինի համաշխարհային ճանաչում ունեցող հայկական PicsArt ընկերության համահիմնադիր և գործադիր տնօրեն Հովհաննես Ավոյանը՝ շարունակելու հետագա քննարկումները։
WCIT-2019-ի կազմակերպչական կոմիտեի նախագահ, Առաջատար տեխնոլոգիաների ձեռնարկությունների միության նախագահ, Հայաստանի հեռահաղորդակցության ծառայությունների խոշորագույն մատակարար «Յուքոմ» ընկերության համահիմնադիր Ալեքսանդր Եսայանը Քիմ Քարդաշյան-Վեսթի այցի վերաբերյալ հայտնել է․ «Մենք՝ WCIT 2019-ի կազմակերպիչներս, օրակարգը կազմելիս որոշեցինք համարձակ, ոչ սովորական մոտեցում ցուցաբերել։ Մենք երբեմն լրջորեն ենք ընդունում նույնիսկ հակասական գաղափարներ այն բոլոր մարդկանցից, ովքեր էական ասելիք ունեն ՏՏ արդյունաբերության և ոչ միայն դրա մասին:
Ավելի քան 240 միլիոն հետևորդներով՝ Քիմ Քարդաշյան-Վեսթը սոցցանցերում ամենամեծ լսարանն ունեցող մարդկանցից է։ Նա մեր ժամանակաշրջանի ամենաազդեցիկ ձայներից մեկն է աշխարհում: Մենք համոզված ենք, որ Քիմ Քարդաշյան-Վեսթը, որպես արտասովոր հաջողակ գործարար, որպես այս ոլորտի առաջամարտիկ, որպես կին և մայր, կարևոր ու հետաքրքիր ասելիք կունենա սոցիալական մեդիայում ձեռներեցության աշխարհի մասին, որի ստեղծմանը և ձևավորմանը նպաստել է արդեն երկու տասնամյակ: Մեր կարծիքով, առանց նրա մասնակցության հնարավոր չէ լուրջ զրույց ծավալել այս թեմայի շուրջ»,- ասված է WCIT 2019-ի տարածած հաղորդագրությունում։
Սա կլինի Քիմ Քարդաշյանի երկրորդ այցը Հայաստան: Առաջինը տեղի է ունեցել 2015-ին:
Հոկտեմբերի 1-ին Պուտինը կայցելի Երևան․ Կրեմլի խոսնակ
Հոկտեմբերի 1-ին ՌԴ նախագահ Վլադիմիր Պուտինը Երևանում կմասնակցի Եվրասիական տնտեսական բարձրագույն խորհդրի նիստին. այս մասին հայտնել է Կրեմլի խոսնակ Դմիտրի Պեսկովը։
«Այո»,- ասել է Պեսկովը՝ պատասխանելով հարցին, թե արդյոք Պուտինը մասնակցելու է նիստին։
Ավելի վաղ տեղեկությունը հաստատել էր ՌԴ փոխարտգործնախարար Անդրեյ Ռուդենկոն։ Վերջինիս խոսքով՝ Հայաստանը ներկայում շարժվում է բազմապլանային համագործակցության ամրապնդման ուղղությամբ՝ պահպանելով քաղաքական երկխոսությունը ամենաբարձր մակարդակի վրա։
«Մեկ շաբաթից՝ հոկտեմբերի 1-ին, ՌԴ նախագահը կայցելի Երևան՝ Եվրասիական տնտեսական բարձրագույն խորհդրի նիստին մասնակցելու համար»,- ասել է Ռուդենկոն։
Վլադիմիր Պուտինի առաջիկա այցի մասին մայիսին հայտարարել էր վարչապետ Նիկոլ Փաշինյանը։
