Գեղարդ գյուղը գտնվում է Գեղամա լեռների լանջին, Ազատ գետի ակունքի մոտ, Կոտայքի մարզի Աբովյանի տարածաշրջանում, մարզկենտրոն Հրազդանից 85 կմ հարավ-արևելք, Երևանից՝ 30 կմ հեռու, ծովի մակերևույթից 1950 մետր բարձրության վրա:
Մինչև 1946թ ապրիլի 4-ը կրել է Արթիզ անունը:
Ըստ Կոտայքի մարզպետարանի տվյալների՝ այսօր գյուղի բնակչությունը 350-ի մոտ է: Գյուղի ներկայիս բնակչության նախնիների մի մասը 1914թ. գաղթել է Արևմտյան Հայաստանի Վանի նահանգից, մյուս մասը` Գավառի շրջանից:
Գեղարդի բնակչությունը (աղբյուրը՝ Զավեն Կորկոտյան, “Խորհրդային Հայաստանի բնակչությունը վերջին հարյուրամյակում (1831-1931)”, ըստ տարիների, եղել է հետևյալը.
1831 թվական – ավերակ
1873 թվական – 221 հոգի, բոլորը՝ թաթար
1886 թվական – 267 հոգի, բոլորը՝ թաթար
1897 թվական – 426 հոգի (համառուսական՝ ցարական մարդահամար), բոլորը՝ իսլամ
1904 թվական – 293 հոգի
1914 թվական – 480 հոգի, ըստ Կովկասյան օրացույցի
1914 թվական – 322 հոգի, ըստ արխիվային տվյալների
1916 թվական – 466 հոգի
1919 թվական – չվիճակագրված
1922 թվական – 144 հոգի, որից 81-ը՝ հայ, 63-ը՝ թրքո-թաթար
1926 թվական – 184 հոգի (ԽՍՀՄ առաջին մարդահամար), որից 142-ը՝ հայ, 39-ը՝ թուրք, 3-ը՝ քյուրդ
1931 թվական – 268 հոգի, որից 185-ը՝ հայ, 74-ը՝ թուրքական խումբ, 9-ը՝ քյուրդ:
Դիտել և կարդալ նաև՝
