2019թ հունվարի 13-ին Տավուշի մարզի Կողբ գյուղի «Կողբ» հիմնադրամի մարզադահլիճում Նոյեմբերյանի «Դովեղ» ֆուտբոլային ակումբը Թուֆենկյան հիմնադրամի աջակցությամբ կազմակերպել էր մինի ֆուտբոլի մրցաշար դպրոցականների միջև (2006-2008 թվականներ):
Մեկ օր առաջ՝ հունվարի 12-ին, կազմակերպվել էր մրցաշար 2003-2005 թվականների միջև, որին մասնակցում էին 18 թիմեր, որոնցից 14-ը Նոյեմբերյանի շրջանի գյուղերի դպրոցներ, իսկ 4-ը՝ Նոյեմբերյանի «Դովեղ», Իջևանի «Նիկարմ» ֆուտբոլային ակումբի «Նիկարմ» և «Այգեհովիտ» (գյուղ Այգեհովիտ) թիմերը, ինչպես նաև՝ Բերդի տարածաշրջանի Ներքին Կարմիր Աղբյուր գյուղի դպրոցի թիմը:
2006-2008 թթ. տարիքի մրցաշարին մասնակցում էին 9 թիմեր, որոնցից 7-ը Նոյեմբերյանի շրջանի գյուղերի դպրոցներ, իսկ 2-ը՝ Իջևանի «Նիկարմ» ֆուտբոլային ակումբի «Նիկարմ» և «Այգեհովիտ» (գյուղ Այգեհովիտ) թիմերը:
Հանդիպումները տեղի ունեցան օլիմպիական մրցակարգով:
Մրցաշարի հաղթող դարձավ Իջևանի «Նիկարմ» ֆուտբոլային ակումբի թիմը, որը եզրափակիչում 6-5 հաղթեց Ոսկեվանի դպրոցի թիմին: «Նիկարմ»-ին հանձնվեց Նոյեմբերյան համայնքի ղեկավար Կարեն Աբազյանի և Նոյեմբերյանի մարզադպրոցի կողմից սահմանված գավաթը:
Երրորդ տեղի համար խաղում Նոյեմբերյանի թիվ 2 դպրոցի թիմը 3-0 հաշվով հաղթեց Բաղանիսի դպրոցի թիմին:
Մրցաշարի լավագույն ֆուտբոլիստ ճանաչվեց Նոյեմբերյանի թիվ 2 դպրոցի թիմի խաղացող Լևոն Ամիրաղյանը:
Առաջին երեք տեղեր գրաված թիմերը ստացան Նոյեմբերյանի համայնքապետարանի սպորտդպրոցի, «Դովեղ» և «Նիկարմ» ակումբների պատվոգրերը, ինպես նաև գրքեր՝ «Դովեղ» ակումբի կողմից:
Մրցանակները և պատվոգրերը հանձնեցին «Դովեղ» ակումբի փոխնախագահ Վրեժ Աբովյանը և մարզիչ Կարեն Ասատրյանը:
«Դովեղ» ակումբի հիմնադիր Թաթուլ Հակոբյանը հատուկ շնորհակալություն հայտնեց Թուֆենկյան հիմնադրամին, Նոյեմբերյանի համայնքապետարանին, Կողբի և Նոյեմբերյանի մարզադպրոցների ղեկավարությանը, «Կողբ» հիմնադրամին, ինչպես նաև մրցաշարի մասնակից թիմերին:
Ներկայացնում ենք բոլոր խաղերի արդյունքները.
Նախնական փուլ
Բաղանիս-Դեբեդավան՝ 3-2
Կոթի-Դեբեդավան՝ 6-0
Ոսկեվան-Կողբի թիվ 2 դպրոց՝ 4-2
Կոթի-Նիկարմ՝ 2-8
Նոյեմբերյանի թիվ 2 դպրոց-Կողբի թիվ 1 դպրոց՝ 2-0
Ոսկեվան-Այգեհովիտ՝ 2-2, 11 մ-ով՝ 4-2
Կիսաեզրափակիչ
Նոյեմբերյանի թիվ 2 դպրոց-Նիկարմ՝ 4-7
Ոսկեվան-Բաղանիս՝ 10-3
Երրորդ տեղի համար խաղ
Նոյեմբերյանի թիվ 2 դպրոց-Բաղանիս՝ 3-0
Եզրափակիչ
Ոսկեվան-Նիկարմ՝ 5-6
Նման մրցաշար կազմակերպելով՝ «Դովեղ» ֆուտբոլային ակումբը հետապնդում է երեք հիմնական նպատակ.
- մասսայականացնել աշխարհի ամենասիրված խաղը՝ ֆուտբոլը, Տավուշի մարզի սահմանային համայնքներում,
- փորձել նոր ֆուտբոլիստներով համալրել ՀՀ ֆուտբոլի մինչև 16 տարեկանների 2018-2019թթ. առաջնությունում հանդես եկող «Դովեղ» թիմը,
- 2019-2020 թթ. ՀՀ ֆուտբոլի մանկապատանեկան առաջնության համար ընտրել ապագա ֆուտբոլիստների: Եկող՝ 2019-2020 թթ. ՀՀ ֆուտբոլի մանկապատանեկան առաջնություններում «Դովեղը» ևս երկու թիմով՝ մինչև 14 և մինչև 15 տարեկանների, ցանկություն ունի մասնակցելու:
«Դովեղ» ֆուտբոլային ակումբ ՀԿ
Լուսանկարում՝ «Դովեղի» փոխնախագահ Վրեժ Աբովյանը մրցաշարի գավաթը հանձնում է Իջևանի «Նիկարմ» թիմին
