Ֆրանսիայի նախագահ Էմանուել Մակրոնը Թվիթերում գրառումներ է արել Շառլ Ազնավուրի վախճանի առնչությամբ։
«Խորապես ֆրանսիացի, բնազդաբար կապված իր հայկական արմատներին, ճանաչված ամբողջ աշխարհում՝ Շառլ Ազնավուրը մարմնավորում է երեք սերունդների ուրախությունն ու տխրությունը։ Նրա գլուխգործոցները, նրա տեմբրը, նրա բացառիկ փայլը կապրեն երկար»,- գրել է Մակրոնը։
Մեկ այլ գրառմամբ Մակրոնը պատմել է, որ Ազնավուրին հրավիրել էր Հայաստանում կայանալիք Ֆրանկոֆոնիայի գագաթաժողովին, որտեղ նախատեսված էր նրա ելույթը։
«Հայ ժողովրդի հետ կկիսենք ֆրանսիացիների վիշտը»,- գրել է Մակրոնը:
Ազնավուրի հուղարկավորությանը Հայաստանում սգո օր կհայտարարվի
Շառլ Ազնավուրի հուղարկավորության օրը Հայաստանում սգո օր կհայտարարվի․ այս մասին Ֆեյսբուքի իր էջում գրել է վարչապետ Նիկոլ Փաշինյանը։
Ավելի վաղ վարչապետը ֆեյսբուքյան ուղիղ եթերում վշատկցել էր հայ և ֆրանսիացի ժողովուրդներին Ազնավուրի մահվան կապակցությամբ։
Ազնավուրը մարմնավորում էր Ֆրանսիայի և Հայաստանի հարաբերությունների խորքը, հարստությունը, մարդկայնությունը․ դեսպան
Շառլ Ազնավուրի մահվան կապակցությամբ Թվիթերում գրառում է արել Հայաստանում Ֆրանսիայի դեսպան Ջոնաթան Լաքոտը։
«Մենք կորցրինք Շառլ Ազնավուրին, որը միայնակ մարմնավորում էր Ֆրանսիայի և Հայաստանի հարաբերությունների խորքը, հարստությունը, մարդկայնությունը։ Սա մեր երկու երկրների և նրա պոեզիայի երկրպագուների համար շատ ծանր կորուստ է»,- գրել է դեսպանը։
Jonathan Lacôte
✔@JonathanLacote
Nous venons de perdre Charles #Aznavour, qui personnifiait à lui seul la relation entre la France et l’Arménie dans toute sa profondeur, sa richesse, son humanité.
C’est une perte immense pour nos deux pays et tous les amoureux de sa poésie.
«Յուրաքանչյուր ֆրանսիացու և յուրաքանչյուր հայի համար Շառլ Ազնավուրը մարմնավորում էր կապը մեր երկու երկրների միջև:
Ամենածանր պահերին Շառլ Ազնավուրը մոբիլիզացրել էր Ֆրանսիան ի նշան զորակցության Հայաստանի և օժանդակել բազում կապերի հաստատմանը մեր երկրների միջև:
Նրա արվեստը նվաճեց բոլոր սերունդներին, իսկ երգերը սահմաններ հատեցին հասանելի դարձնելով ֆրանսերեն լեզուն բոլորի համար: Նրա երգերի բառերը և պեոզիան կշարունակեն ուղեկցել մեզ:
Դեսպանությունն իր ցավակցություններն է հայտնում նրա ընտանիքին և մերձավորներին և այսօրվանից իսկ միանում նրա հիշատակին մատուցվող հարգանքի տուրքին»։
Կյանքից հեռացել է Շառլ Ազնավուրը
94 տարեկանում կյանքից հեռացել է աշխարհահռչակ շանսոնյե Շառլ Ազնավուրը։ Մահվան պատճառների մասին հայտնի չէ, նա մահացել է իր տանը՝ Ֆրասնիայում։
Ազնավուրը 20-րդ դարի ֆրանսիացի ամենամեծ կատարողներից էր։ Իր կարիերայի ընթացքում ստեղծել և ձայնագրել է ավելի քան 1300 ստեղծագործություն։ Ընդհանուր առմամբ աճառվել է նրա սկավառակների ավելի քան 180 մլն օրինակ։ Շառլ Ազնավուրը խաղացել է ավելի քան 60 դեր կինոյում։
2013թ․ Ազնավուրը Երևանում զրուցել էր ՍիվիլՆեթի հետ։
