Փոխվարչապետ Տիգրան Ավինյանի գրասենյակի ղեկավար Վարագ Սիսեռյանը ՍիվիլՆեթի Թաթուլ Հակոբյանի հետ զրույցում խոսում է Երևանի ավագանու ընտրությունների արդյունքների, Նիկոլ Փաշինյանի կառավարության կադրային քաղաքականության, Ամուլսարի ծրագրի ու բնապահպանների մտահոգությունների, ինչպես նաև Հյուսիս-Հարավ ճանապարհի կոռուպցիոն նախկին սխեմաների մասին։
Սիսեռյանը նշում է, որ Ամուլսարի խնդիրը ծանր ժառանգություն է նախկինից և նոր կառավարությունը փորձում է լուծումներ գտնել։ Ըստ նրա՝ Երևանի ավագանու ընտրությունների 81 տոկոսը կառավարության համար զգոնության կոչ է, բայց նաև ուղերձ, որ հեղափոխությունը պետք է հասցնել ավարտին։
