Հայաստանի նախագահի պաշտոնական կայքը տեղեկացնում է, որ Արմեն Սարգսյանը հանդիպումներ է ունեցել նաև Հայաստանի երրորդ նախագահ, ՀՀԿ նախագահ Սերժ Սարգսյանի և վարչապետի պաշտոնակատար, ՀՀԿ փոխնախագահ Կարեն Կարապետյանի հետ:
«Հանդիպումները կրում են կառուցողական բնույթ: Հանրապետության նախագահը հույս ունի, որ համատեղ ջանքերով հնարավոր կլինի գտնել փոխընդունելի լուծում», – ասված է հաղորդագրությունում:
«Նախագահը ողջունում է Վեհափառ Հայրապետի հանդիպումը Նիկոլ Փաշինյանի հետ: Նա միաժամանակ քաջալերում է բոլոր քաղաքական ուժերի, հասարակական կազմակերպությունների և անհատների ջանքերը, որոնք ուղղված են ստեղծված իրավիճակում տրամաբանական և ողջամիտ հանգուցալուծման հասնելուն»:
Ամենայն Հայոց կաթողիկոս Գարեգին երկրորդը Մայր Աթոռ Սուրբ Էջմիածնում Նիկոլ Փաշինյանին ընդունել է այսօր առավոտյան:
Հայաստանի նախագահ Արմեն Սարգսյանը ապրիլի 26-ի երեկոյան հանդիպել էր Նիկոլ Փաշինյանի հետ:
Արխիվային լուսանկար
