Պէյրութի, Անթիլիասի և Նահրի շրջաններուն մէջ, Լիբանանահայութիւնը խուռներամ ներկայութեամբ, պատշաճ յարգանքով և շուքով ոգեկոչեց, երէկ, Ապրիլեան իր նահատակները:
Անթիլիասի Նահատակներու Յուշարձանի մատրան մէջ, ինչպէս նաև Մայր Տաճարին, տեղի ունեցան սրտառուչ եկեղեցական հանդիսութիւններ՝ ծովածաւալ բազմութեան մը ներկայութեան: Ս. Նշան եկեղեցին եւս կը յորդէր բազմութեամբ:
Պէյրութի Ս. Նշան վարժարանի պարտէզին, Գարանթինայի և Նոր-Սիսի շրջաններուն մէջ, յոգնախուռն բազմութիւն մը լեցուցած էր ոգեկոչումի հանդիսութեանց սրահը:
Քաղաքի և Անդր-Նահրի հայկական վաճառատուները փակ էին, ի յարգանս նահատակներու:
ԱԶԴԱԿ, ԼԳ տարի, թիւ 47 (8138), 25 Ապրիլ, 1959
