Հայկական ուսումնասիրությունների ԱՆԻ կենտրոնը տեղեկացնում է, որ վերահրատարակել և արդեն վաճառքում է ՍԴՀԿ նշանավոր գործիչներից Ստեփան Սապահ-Գիւլեանի «Պատասխանատուները» հատորը։
700 օրինակ տպաքանակով շուրջ 400 էջանոց գիրքը վերահրատարակվել է արևելահայերենով, մեսրոպյան ուղղագրությամբ։
Հատուկ այս հրատարակության համար առաջաբան է գրել հնչակյան գործիչ, Լիբանանի խորհրդարանի նախկին պատգամավոր, դոկտոր Եղիկ Ճէրէճեանը Բեյրութից։
Խմբագրումը, ծանոթագրությունների հեղինակումը և շարադրանքի վերանայումը կատարել է պատմաբան Գէորգ Եազըճեանը։
Հատորի խմբագիրը լրագրող Թաթուլ Հակոբյանն է։
Սապահ-Գիւլեանի «Պատասխանատուները» վերահրատարակվել է «Լուսակն» տպարանում։
Հայաստանի գրախանութներում գիրքը վաճառվելու է 3․900 դրամով։
ԱՆԻ կենտրոն
