Հայաստանում և Սփյուռքում մեդալներից հրաժարվելու կամ ստանալուց հետո այն երկրի նախագահին վերադարձնելու հրապարակային երկու դեպք է արձանագրվել։
2004 թվականի ապրիլին, այն բանից հետո, երբ Ռոբերտ Քոչարյանի հրամանով՝ բիրտ ուժով, բռնությամբ ու ծեծուջարդով ցրվեց ընդդիմության հանրահավաքը, բանաստեղծուհի Սիլվա Կապուտիկյանը՝ ի նշան բողոքի, վերադարձրեց ավելի վաղ Քոչարյանի ձեռքից ստացած «Սբ. Մեսրոպ Մաշտոց» մեդալը։
2013-ին Սերժ Սարգսյանի հրամանգրով տաղանդավոր հայ գրող Լևոն Խեչոյանը պարգևատրվեց «Հայրենիքին մատուցած ծառայությունների համար» 2-րդ աստիճանի մեդալով, սակայն հրաժարվեց ստանալ մեդալը՝ բացատրելով.
«Ես շնորհակալ եմ վստահության համար, սակայն երբ մեր երկրում այս չափի է հասել արտագաղթի ծավալները, ու դրան զուգահեռ՝ սոցիալական ծանր պայմաններին չդիմանալով՝ իմ ազատամարտիկ եղբայրներն այսօր նստացույց են անում, ես այդ մեդալն ընդունել չեմ կարող»:
Լուսանկարում՝ Սիլվա Կապուտիկյանի գիրը Հայկական ժամանակ թերթում
