Շիրակի մարզի Աշոցքի տարածաշրջանի Բավրա գյուղը գտնվում է Գյումրի-Ախալքալաք ավտոմայրուղու վրա, Հայաստանից դեպի Ջավախք տանող հայաստանյան վերջին բնակավայրն է:
Բավրան գտնվում է Աշոցքից 15 կմ դեպի հյուսիս-արևմուտք, մարզկենտրոն Գյումրիից՝ 46 կմ հեռավորության վրա: Տեղադրված է ծովի մակարդակից շուրջ 2150 մետր բարձրության վրա:
Բավրան նախկինում ունեցել է Տիտոյ խարաբա, Թիթոյ խարաբա, Թիդոյի խարաբա, Խարաբա անվանումները:
Գյուղի բնակիչների նախնիները՝ կաթոլիկ հայեր, 1829-ին Արդահանի շրջանից գաղթել են դեպի Ախալքալաքի շրջան, ապա 1860-ական թվականներին եկել և հիմնադրել են Բավրա գյուղը։
Բավրա գյուղի բնակչությունը ըստ հաշվառումների և մարդահամարների (Զավեն Կորկոտյանի “Խորհրդային Հայաստանի բնակչությունը վերջին հարյուրամյակում (1831-1931)”) եղել է հետևյալը.
1873թ.- 143, բոլորը՝ հայ
1886թ.- 204, բոլորը՝ հայ
1897թ.- 493, բոլորը՝ հայ
1908թ.- 396, բոլորը՝ հայ
1914թ.- 470, բոլորը՝ հայ
1916թ.- 421, բոլորը՝ հայ
1919թ.- 519, բոլորը՝ հայ
1922թ.- 388, բոլորը՝ հայ
1926թ.- 494, որից 493-ը՝ հայ, 1-ը՝ վրացի
1931թ.- 596, բոլորը՝ հայ
Դիտել նաև՝
