Պէյրութի Հայկազեան համալսարանի Հայկական Սփիւռքի ուսումնասիրութեան կեդրոնը եւ Հայկական ուսումնասիրութիւններու «ԱՆԻ» կեդրոնը կը կազմակերպեն «Ժամանակակից հայ պատմութեան քննական ներկայացումը» դասախօսական երեկոյ: Զեկուցողն է լրագրող, Սիւիլիթաս հիմնադրամի փորձագէտ եւ «ԱՆԻ» կեդրոնի համակարգող Թաթուլ Յակոբեանը:
Ան պիտի ներկայացնէ Հայաստանի Առաջին Հանրապետութեան առաջին վարչապետ Յովհաննէս Քաջազնունիի «Ազգ եւ պետութիւն» աշխատութիւնը, որ օրերս վերահրատարակած է «ԱՆԻ» կեդրոնը, ինչպէս նաեւ՝ կեդրոնի վերջին մէկ տարուայ միւս հրատարակութիւնները:
Ձեռնարկը տեղի պիտի ունենայ 1 նոյեմբերին, երեքշաբթի երեկոյան ժամը 7-ին, Պէյրութի Հայկազեան համալսարանէն ներս:
http://www.arevelk.am/
