Հայաստանն այսօր՝ փետրվարի 7-ին, փրկարարական ջոկատներ է ուղարկում Սիրիա և Թուրքիա՝ աջակցելու ավերիչ երկրաշարժի հետևանքով տուժած շրջաններում իրականացվող որոնողափրկարարական աշխատանքներին, հայտնել է Արտգործնախարարության խոսնակը:
Երկուշաբթի՝ փետրվարի 6-ի վաղ առավոտյան 7.8 մագնիտուդ ուժգնությամբ երկրաշարժ է գրանցվել Թուրքիայի հարավ-արևելքում՝ Սիրիայի հետ սահմանին։ Զոհերի թիվը գերազանցում է հինգ հազարը։ Առողջապահության համաշխարհային կազմակերպության տնօրեն Թեդրոս Գեբրեյեսուսի խոսքով՝ թե՛ Թուրքիայի և թե՛ Սիրիայի պարագայում տեղեկատվությունը դեռևս շատ հեռու է ամբողջական լինելուց։
