Հայաստանի դաշնակցական կառավարության կողմից հրաժարական տալու հավանականության և իշխանությունը կոմունիստներին անցնելու հնարավորության մասին Գ․ Կ․ Օրջոնիկիձեի հաղորդման կապակցությամբ Գ․ Վ․ Չիչերինը առաջարկում էր․
1․ համաձայնել Հայաստանում խորհրդային իշխանություն հաստատելու համար վճռական գործողությունների դիմելու անհրաժեշտության մասին Հայաստանի ԿԿ Կենտկոմի և ՌԿ(բ)Կ Կենտկոմի կովկասյան բյուրոյի կարծիքի հետ,
2․ նրան քաղաքական օգնություն ցույց տալ թուրքերի հետագա առաջխաղացումը կասեցնելու համար և
3․ պաշտպանել նոր, խորհրդային կառավարությունը։
1920 թվականի հոկտեմբերի 14-ին ՌԿ(բ)Կ Կենտկոմի քաղբյուրոն ընդունեց Չիչերինի առաջարկությունները։ (Վ․ Ի․ Լենին, Երկեր, 4-րդ հրատարակություն, հատոր 44, էջ 634-635)
Վ․ Ի․ ԼԵՆԻՆԻ ԱՌԱՋԱՐԿՈՒԹՅՈՒՆԸ ՌԿ(բ)Կ ԿԵՆՏԿՈՄԻ ՔԱՂԲՅՈՒՐՈՅԻՆ ՀԱՅԱՍՏԱՆՈՒՄ ՏԻՐՈՂ ԴՐՈՒԹՅԱՆ ՀԱՐՑԻ ՎԵՐԱԲԵՐՅԱԼ
Առաջարկում եմ Քաղբյուրոյին հաստատել Չիչերինի բոլոր 3 առաջարկությունները։
ԼԵՆԻՆ
Գրված է 1920թ․ հոկտեմբերի 12-ին կամ 13-ին
Առաջին անգամ տպագրվել է 1965թ․ Վ․ Ի․ Լենինի Երկերի 5-րդ հրատարակության 54 հատորում
Աղբյուրը՝ Հայաստանը միջազգային դիվանագիտության և սովետական արտաքին քաղաքականության փաստաթղթերում, Հայաստան հրատարակչություն, Երևան, 1972, էջ 456
Լուսանկարում՝ Ստալինը և Լենինը
