Սարիղամիշում
Երևան, 28 սեպտեմբերի․-
Զորական գլխավոր շտաբի առավոտյան ժամը 10-ի հաղորդագրություն․
Սեպտեմբերի 28-ի գիշերը տաճիկները [թուրքեր] խոշոր ուժերով հարձակման անցան Սարիղամիշի վրա, միաժամանակ Բարդուսից և Կարակուրդի վրայով։ Թշնամու ուժերի ճնշման տակ մեր զորամասերը քաշվում են դեպի Սարիղամիշ։
Տաճիկների կողմից գործում է երկու լրիվ դիվիզիա։
Սարիղամիշը դատարկված
Երևան․ 29 սեպտեմբերի․-
Զորական գլխավոր շտաբի առավոտյան ժամը 10-ի հաղորդագրություն․
Սեպտեմբերի 29-ի գիշերը, թշնամու գերազանց ուժերի ճնշման տակ մենք մաքրեցինք Սարիղամիշը։
Շնորհիվ Վերիշան գյուղի մոտ մեր զորամասերի համառ դիմադրության՝ տաճիկներին չհաջողվեց Սարիղամիշը պաշտպանող մեր զորամասերի թիկունքն անցնել, ուստի և նահանջը կատարվել է կանոնավոր կերպով։
Կարսից
Սեպտեմբերի 29-ին
Կարսը կայուն է և հանգիստ, տրամադրությունը շատ բարձր և պաշտպանելով հայրենիքի առաջավոր դիրքերը, մենք համակված ենք մեծ հավատով, որ մեզ հետ է երկիրը և նրա արթուն կառավարությունը։
Նահանգապետ Ղորղանյան
Յառաջ, ՀՅԴ, թիւ 211, 29 Սեպտեմբեր, 1920
Լուսանկարում՝ Խատիսյանը և Նազարբեկյանը Սարիղամիշում, 1919թ. նոյեմբեր
