Հայկական ուսումնասիրությունների ԱՆԻ կենտրոնը հեղինակից՝ իրանագետ և թարգմանիչ Տիգրան Դավուդյանից, ստացել է հայերեն-պարսկերեն իրավաբանական բառարանը, որը հրատարակել է Անտարեսը, 2023թ.
Իրավաբանական տերմինների բառարանը պարունակում է երկու հազար բառ և բառակապակցություն:
Ավելի վաղ Տիգրան Դավուդյանը հրատարակել է մի քանի այլ աշխատություններ:
Հայերեն-պարսկերեն բառարանը պարունակում է ժամանակակից հայերենի շուրջ 20 հազար բառ և արտահայտություն: Այն նվիրվել է հայ տպագրության 500-ամյակին և հրատարակվել 2010 թվականին:
Պարսկերեն-հայերեն բառարանը, որ հրատարակվել է 2021-ին, պարունակում է ժամանակակից պարսկերենի շուրջ 25 հազար բառ և արտահայտություն:
Պայքար ազգային ինքնորոշման համար, պարսկերենով, 2020թ:
ՀՀ Սահմանադրություն, պարսկերեն թարգմանություն, 2022թ:
ԱՆԻ կենտրոնը շնորհակալություն է հայտնում հեղինակին՝ Տիգրան Դավուդյանին, արժեքավոր հատորներով մեր գրադարանը համալրելու համար:
