«Հայաստանի ֆուտբոլի ֆեդերացիա»
հասարակական կազմակերպության
Գլխավոր քարտուղար Արթուր Ազարյանին
«Դովեղ» ՖԱ ՀԿ-ի հիմնադիր և տնօրեն
Թաթուլ Հակոբյանից
Առ ի գիտություն
Հարգարժան պարոն Ազարյան,
«Դովեղ» ՖԱ ՀԿ-ի պատվիրակը չի մասնակցելու ՀՖՖ հերթական 23-րդ ժողովին, իսկ Գործադիր կոմիտեի անդամի թեկնածուն հանում է իր մասնակցությունը քվեարկությունից, քանի որ դրանք արդեն կայացել են:
ՀՖՖ անդամ մի շարք ակումբներից և ՀՖՖ ներսից նախորդ օրերին մենք ստացել ենք արժանահավատ տեղեկատվություն, համաձայն որի ՀՖՖ ղեկավարությունը արդեն իսկ որոշել է, թե ովքեր են այն անցանկալի երկու անդամները, որոնք չպետք է քվե ստանան:
Դրանցից մեկը ես եմ: Ընտրություն, մեր ընկալմամբ, նշանակում է ազատ կամքի արտահայտություն և ոչ ուղղորդված արշավ մեկի կամ մյուսի դեմ:
Մեր արժանապատվությունը թույլ չի տալիս ներկա գտնվել նախապես որոշված վերջնարդյունքով միջոցառումների:
Հարգանքներով և բարեկամաբար՝
Թաթուլ Հակոբյան
28 դեկտեմբեր, 2022
