Ռինդ գյուղի բնակչությունը, ըստ մարզպետարանի տվյալների, այսօր կազմում է 1540 հոգի։ Գտնվում է մարզկենտրոն Եղեգնաձորից 25 կմ հեռավորության, ծովի մակերևույթից 1300 մետր բարձրության վրա, սահմանակից է Ելփին, Չիվա, Արենի, Աղավնաձոր, Հորս,Թառաթումբ համայնքներին։ Գյուղի տարածքում պահպանվել են XII-XIII դարի եկեղեցու մնացորդներ, մատուռներ, XIII-XIV դարի խաչքարեր։ Հանդիպում է նաև Ռեյթա անունով։
Ռինդ գյուղի բնակչությունը (աղբյուրը՝ Զավեն Կորկոտյան, “Խորհրդային Հայաստանի բնակչությունը վերջին հարյուրամյակում (1831-1931)”, ըստ տարիների, եղել է հետևյալը.
1831 թվական – ավերակ,
1873 թվական – 228 հոգի, բոլորը՝ հայ,
1886 թվական – 351 հոգի, բոլորը՝ հայ,
1897 թվական – 426 հոգի (համառուսական՝ ցարական մարդահամար), բոլորը՝ հայ,
1904 թվական – 460 հոգի,
1914 թվական – 460 հոգի, ըստ Կովկասյան օրացույցի,
1914 թվական – 506 հոգի,
1916 թվական – 627 հոգի,
1919 թվական – 896 հոգի,
1922 թվական – 717 հոգի, բոլորը՝ հայ,
1926 թվական – 776 հոգի (ԽՍՀՄ առաջին մարդահամար), որից 775-ը՝ հայ, 1-ը՝ թուրք,
1931 թվական – 914 հոգի, բոլորը՝ հայ:
Կարդալ և դիտել նաև՝
