Ազատեկ գյուղը գտնվում է Վայոց Ձորի մարզի Վայքի շրջանում՝ մարզկենտրոն Եղեգնաձորից 24 կմ հարավ-արևելք, Վայք քաղաքից 8 կմ հեռավորության, ծովի մակերևույթից ավելի քան 1600 մետր բարձրության վրա։
Խորհրդային Հայաստանի ժամանակ Ազատեկ գյուղխորհրդի կազմում էին երեք բնակավայրեր՝ Ազատեկ, Զեյթա (այսօր՝ Զեդեա), Փոռ:
Այսօր Ազատեկը Արին, Զեդեա և Փոռ գյուղերի հետ մաս է կազմում խոշորացված Վայք համայնքի:
Ազատեկ գյուղի բնակչությունը (աղբյուրը՝ Զավեն Կորկոտյան, “Խորհրդային Հայաստանի բնակչությունը վերջին հարյուրամյակում (1831-1931)”, ըստ տարիների, եղել է հետևյալը.
1831 թվական – 166 հոգի, բոլորը՝ հայ
1873 թվական – 559 հոգի, բոլորը՝ հայ
1886 թվական – 755 հոգի, բոլորը՝ հայ
1897 թվական – 751 հոգի (համառուսական՝ ցարական մարդահամար), որից 731-ը՝ հայ, 20-ը՝ իսլամ
1904 թվական – 750 հոգի
1916 թվական – 687 հոգի
1919 թվական – 1400 հոգի
1922 թվական – 707 հոգի
1926 թվական – 660 հոգի (ԽՍՀՄ առաջին մարդահամար), որից 657-ը՝ հայ, 3-ը՝ թուրք
1931 թվական – 838 հոգի, որից 837-ը՝ հայ, 1-ը՝ ռուս:
Հնագիտական հետազոտությունները ենթադրել են տալիս, որ Ազատեկը հին Ազատ
գյուղն է: Գյուղամիջի Սուրբ Ստեփանոս եկեղեցու մուտքի ճակատաքարի արձանագրությունից երևում է, որ եկեղեցին կառուցվել է Ազատեկի
գյուղական հասարակության կողմից, Հակոբ չորրորդ կաթողիկոսի ժամանակ, 17-րդ դարի 2-րդ կեսին և վերակառուցվել է Սալմաստից գաղթած հայերի կողմից 19-րդ դարի 30-ական թվականներին:
Դիտել և կարդալ նաև՝
