Նիգավան գյուղը ընդգրկված է Ապարան համայնքի կազմում:
Ապարան համայնքի կազմում, Ապարան քաղաքից բացի, ընդգրկված են՝ Արագած, Արայի, Ափնագյուղ, Եղիպատրուշ, Երնջապատ, Թթուջուր, Լուսագյուղ, Ծաղկաշեն, Կայք, Հարթավան, Ձորագլուխ, Նիգավան, Շենավան, Շողակն, Չքնաղ, Ջրամբար, Սարալանջ, Վարդենիս, Վարդենուտ, Քուչակ բնակավայրերը:
Նիգավանը, որ նախկինում ունեցել է Հովիտ, Դանագերմազ, Դանագիրմազ, Տանագիրմազ անվանումները, գտնվում է Արագածի փեշերին, Արագածոտնի մարզի Ապարանի տարածաշրջանում, ծովի մակերևույթից ավելի քան 2000 մետր բարձրության, Ապարան քաղաքից 7 կմ հյուսիս-արեւմուտք, մարզկենտրոն Աշտարակից՝ 39 կմ հեռավորության վրա:
Նիգավան է վերանվանվել 1967 թ հոկտեմբերի 21-ին: Գյուղի ներկայիս անվանումը կապված է Այրայատ աշխարհի Նիգ գավառի հետ: Գյուղի շրջակայքում կան կիկլոպյան ամրոցի մնացորդներ, գյուղատեղիներ: Կառուցված է Սուրբ Սահակ եկեղեցին` 19-րդ դար:
Նիգավանի բնակչության նախնիները գաղթել է 1828-1829 թթ. Էրզրումից, Մուշից, Պարսկահայքից:
Նիգավան գյուղի բնակչությունը (աղբյուրը՝ Զավեն Կորկոտյան, “Խորհրդային Հայաստանի բնակչությունը վերջին հարյուրամյակում (1831-1931)”) ըստ տարիների եղել է հետևյալը.
1831 թվական – 149 հոգի, բոլորը՝ հայ,
1873 թվական – 529 հոգի, բոլորը՝ հայ,
1886 թվական – 682 հոգի, բոլորը՝ հայ,
1897 թվական – 873 հոգի (ցարական մարդահամար), բոլորը՝ հայ,
1908 թվական – 1005 հոգի,
1914 թվական – 1179 հոգի (ըստ Կովկասյան օրացույցի),
1914 թվական – 1105 հոգի (ըստ արխիվային տվյալների),
1916 թվական – 1000 հոգի,
1919 թվական – 1290 հոգի,
1922 թվական – 916 հոգի, բոլորը՝ հայ,
1926 թվական – 1401 հոգի (ԽՍՀՄ առաջին մարդահամար), որից 1400-ը՝ հայ, 1-ը՝ հույն,
1931 թվական – 1712 հոգի, բոլորը՝ հայ:
Լուսանկարում՝ Արագածը, լուսանկարը՝ Զորիկ Գալստյանի
Դիտել և կարդալ նաև՝
