Թթուջուր գյուղն ընդգրկված է Ապարան համայնքի կազմում:
Ապարան համայնքի կազմում, Ապարան քաղաքից բացի, ընդգրկված են՝ Արագած, Արայի, Ափնագյուղ, Եղիպատրուշ, Երնջապատ, Թթուջուր, Լուսագյուղ, Ծաղկաշեն, Կայք, Հարթավան, Ձորագլուխ, Նիգավան, Շենավան, Շողակն, Չքնաղ, Ջրամբար, Սարալանջ, Վարդենիս, Վարդենուտ, Քուչակ բնակավայրերը:
Թթուջուրը, որ նախկինում ունեցել է Ամիրլի, Իմերլու, Իմիրլու, Իմրլու անվանումները, գտնվում է Ծաղկունյաց լեռների լանջերին, Քասաղ գետի ձախ ափին, ծովի մակարդակից մոտ 1900 մ բարձրության վրա, Ապարանի տարածաշրջանում, Ապարան քաղաքից 9 կմ հարավ-արևելք, մարզկենտրոն Աշտարակից 37 կմ հեռավորության վրա:
Թթուջուր է վերանվանվել 1950 թ. ապրիլի 19-ին:
Գյուղի բնակչության նախնիները ներգաղթել են Մուշի և Ալաշկերտի շրջաններից:
Թթուջուր գյուղի բնակչությունը (աղբյուրը՝ Զավեն Կորկոտյան, “Խորհրդային Հայաստանի բնակչությունը վերջին հարյուրամյակում (1831-1931)”) ըստ տարիների եղել է հետևյալը.
1831 թվական – 146 հոգի, բոլորը՝ հայ,
1873 թվական – 380 հոգի, բոլորը՝ հայ,
1886 թվական – 535 հոգի, բոլորը՝ հայ,
1897 թվական – 551 հոգի (ցարական մարդահամար), որից 547-ը՝ հայ, 4-ը՝ այլ, բայց ոչ իսլամ,
1908 թվական – 567 հոգի,
1914 թվական – 837 հոգի (ըստ Կովկասյան օրացույցի),
1914 թվական – 764 հոգի (ըստ արխիվային տվյալների),
1916 թվական – 788 հոգի,
1919 թվական – 734 հոգի,
1922 թվական – 391 հոգի, բոլորը՝ հայ,
1926 թվական – 632 հոգի (ԽՍՀՄ առաջին մարդահամար), բոլորը՝ հայ,
1931 թվական – 723 հոգի, բոլորը՝ հայ:
Լուսանկարը` Նելլի Խաչատրյանի
Դիտել և կարդալ նաև՝
