Լանջիկ գյուղը գտնվում է Արագածոտնի և Շիրակի մարզերի սահմանագծի վրա, ծովի մակարդակից գրեթե 2000 մետր բարձրության վրա, Երևան-Գյումրի ճանապարհին, մարզկենտրոնից 35 կիլոմետր հեռավորության վրա:
Նախկինում Լանջիկը եղել է Թալինի շրջանի գյուղերից: Սահմանակից է Քարաբերդ, Սառնաղբյուր և Ձիթհանքով գյուղերին:
Նախկինում ունեցել է Մուսլուխլի, Մուսլուղլու, Մուսլուղլի, Մուսուխլը, Մուսուղլի անվանումները: Լանջիկ է վերանվանվել 1947 թ փետրվարի 3-ին:
Լանջիկը Շիրակի մարզի Անիի տարածաշրջանում է, մաս է կազմում խոշորացված Անի համայնքի:
Անի համայնքը կազմավորվել է 2017 թվականի նոյեմբերին: Համայնքի ընդհանուր բնակչությունը 21 հազարի սահմաններում է, որից ավելի քան 5000-ը՝ Մարալիկում:
Անի համայնքի կազմում Մարալիկ քաղաքից բացի ընդգրկված են հետևյալ գյուղերը՝ Աղին, Անիավան, Անիպեմզա, Բագարան (Խարկովի հետ միասին), Գուսանագյուղ, Իսահակյան, Լանջիկ, Լուսաղբյուր, Հայկաձոր, Ձիթհանքով, Ձորակապ, Շիրակավան, Ջրափի, Սառնաղբյուր, Սարակապ, Քարաբերդ:
Այս գյուղերը Խորհրդային Հայաստանի Անիի շրջանի բնակավայրերն են:
Անիի շրջանը (մինչև 1961 թվականը՝ Աղինի շրջան), կազմավորվել է 1931 թվականի դեկտեմբերի 31-ին: Տարածությունը կազմել է 429 քառ. կմ: Անիի շրջանը Հայաստանում մարզերի ձևավորումից հետո մտավ Շիրակի մարզի կազմ:Գ
Զավեն Կորկոտյանի “Խորհրդային Հայաստանի բնակչությունը վերջին հարյուրամյակում (1831-1931)” աշխատության համաձայն, Լանջիկի բնակչությունը ըստ տարիների, եղել է հետևյալը.
1831 թվական – ավերակ,
1873 թվական – 411 հոգի, բոլորը՝ հայ,
1886 թվական – 576 հոգի, բոլորը՝ հայ,
1897 թվական – 664 հոգի (համառուսական՝ ցարական մարդահամար), բոլորը՝ հայ,
1904 թվական – 706 հոգի,
1904 թվական – 853 հոգի, ըստ Կովկասյան օրացույցի
1914 թվական – 778 հոգի, ըստ արխիվային տվյալների
1916 թվական – 721 հոգի,
1919 թվական – 1030 հոգի,
1922 թվական – 691 հոգի, բոլորը՝ հայ,
1926 թվական – 663 հոգի (ԽՍՀՄ առաջին մարդահամար), բոլորը՝ հայ,
1931 թվական – 758 հոգի, բոլորը՝ հայ:
Նախախորհրդային շրջանում Անիի շրջանի գյուղերը մաս են կազմել Արթիկի շրջանի:
Լուսանկարում՝ Լանջիկ գյուղի Սուրբ Աստվածածին հայ կաթողիկե եկեղեցին
Դիտել նաև՝
