Շիրակի մարզի Աշոցքի տարածաշրջանի Մեծ Սեպասար և Փոքր Սեպասար գյուղերը, որոնք միմյանցից բաժանվում են գետով, մաս են կազմում Աշոցք համայնքի:
Գտնվում է Աշոցք գյուղից 6-7 կմ արևմուտք, մարզկենտրոն Գյումրիից՝ 40 կմ, Երևանից՝ 160 կմ հեռավորության վրա` ծովի մակարդակից գրեթե 2000 մետր բարձրության վրա:
Սահմանակից է Աշոցք, Ղազանչի, Թավշուտ, Փոքր Սեպասար, Կրասար համայնքներին:
Մեծ Սեպասարը նախկինում ունեցել է Մեծ Շիշթափա, Շիշթափա Առաջին, Շիշթափա Հայի անունները: Մեծ Սեպասար է վերանվանվել 1946 թ նոյեմբերի 12-ին:
Մեծ Սեպասարի բնակչությունը ըստ հաշվառումների և մարդահամարների (Զավեն Կորկոտյանի “Խորհրդային Հայաստանի բնակչությունը վերջին հարյուրամյակում (1831-1931)”) եղել է հետևյալը.
1831թ. – 64, բոլորը՝ հայ,
1873թ. – 281, բոլորը՝ հայ,
1886թ.- 396, բոլորը՝ հայ,
1897թ.- 620, որից 610-ը՝ հայ, 10-ը՝ այլ (բողոքական,աղանդավոր, եզդի և այլն)
1908թ.- 750,
1914թ.- 825, ըստ Կովկասյան օրացույցի՝ 863,
1916թ.- 796,
1919թ.- 1300, բոլորը՝ հայ,
1922թ.- 738, բոլորը՝ հայ,
1926թ.- 893, որից 884-ը՝ հայ, 9-ը՝ ռուս,
1931թ.- 997, բոլորը՝ հայ:
ԽՍՀՄ մարդահամարների համաձայն.
1939 – 1161,
1959 – 761,
1979 – 846,
1989 – 930:
Փոքր Սեպասարը նախկինում ունեցել է Փոքր Շիշթափա, Շիշթափա Երկրորդ, Շիշթափա Թուրքի անունները: Փոքր Սեպասար է վերանվանվել 1946 թ. նոյեմբերի 12-ին:
Փոքր Սեպասարի բնակչությունը ըստ հաշվառումների և մարդահամարների (Զավեն Կորկոտյանի “Խորհրդային Հայաստանի բնակչությունը վերջին հարյուրամյակում (1831-1931)”) եղել է հետևյալը.
1886թ.- 132, բոլորը՝ կարափափախ,
1897թ.- 177, բոլորը՝ իսլամ,
1908թ.- 189,
1914թ.- 253, բոլորը՝ կարափափախ,
1922թ.- 470, բոլորը՝ հայ,
1926թ.- 362, որից 359-ը՝ հայ, 3-ը՝ թուրք,
1931թ.- 510, բոլորը՝ հայ:
ԽՍՀՄ մարդահամարների համաձայն.
1939 – 491,
1959 – 387,
1979 – 59,
1989 – 163:
Փոքր Սեպասարի բնակիչները նախկինում եղել են կարափափախներ: Ովքե՞ր էին կարափափախները: Բառացի թարգմանաբար՝ “սև գլխարկ” կրողները թյուրքալեզու են, դավանում են սուննի ուղղությանը (Օսմանյան կայսրության տարածքում բնակվողները): 1897 թվականի մարդահամարի տվյալներով՝ Կարսի մարզում կարափափախները կազմում էին ընդհանուր բնակչության 10 տոկոսը՝ շուրջ 30 հազար, և թվաքանակով զիջում էին միայն հայերին, թուրքերին, քրդերին և հույներին:
Լուսանկարում՝ Մեծ Սեպասար, լուսանկարը՝ ՀԵՏՔ-ի
