Կարմրավան և Հարթաշեն գյուղերը Խորհրդային Հայաստանի ժամանակաշրջանում մտնում էին Ղուկասյանի շրջանի Զույգաղբյուր գյուղական խորհրդի կազմ:
Ղուկասյանի շրջանը կազմավորվել է 1937 թվականի դեկտեմբերի 31-ին՝ 547 քառակուսի կիլոմետր տարածքի վրա՝ իր մեջ ներառելով 9 գյուղական խորհուրդներ ընդհանուր 26 բնակավայրերով:
Այսօր Կարմրավան գյուղը մաս է կազմում Աշոցք համայնքի:
Աշոցք համայնքի կազմում ընդգրկված են Աշոցք, Բավրա, Զույգաղբյուր, Թավշուտ, Կարմրավան, Կրասար, Ղազանչի, Մեծ Սեպասար, Սարագյուղ, Սիզավետ և Փոքր Սեպասար բնակավայրերը:
Կարմրավանը տեղադրված է Գյումրի-Աշոցք ավտոմայրուղու ձախ կողմում: Նախկինում մտել է Երևանի նահանգի Ալեքսանդրապոլի գավառի մեջ: Գյուղը գտնվում է Ախուրյան գետի հովտում` ծովի մակարդակից 2060մ բարձրության վրա:
Կարմրավանը գտնվում է Աշոցքից 2 կմ հարավ, մարզկենտրոն Գյումրիից՝ 32 կմ հեռավորության վրա:
Կարմրավանը նախկինում ունեցել է Կզըլքիլիսա, Կզըլքիլիսա Նոր, Ղզըլքիլիսա Հայկական անվանումները: Կզըլքիլիսան Կարմրավան է վերանվանվել 1935 թ. հունվարի 3-ին:
Կարմրավանի բնակչությունը ըստ հաշվառումների և մարդահամարների (Զավեն Կորկոտյանի “Խորհրդային Հայաստանի բնակչությունը վերջին հարյուրամյակում (1831-1931)”) եղել է հետևյալը.
1873թ.- 255, բոլորը՝ հայ,
1886թ.- 299, բոլորը՝ հայ,
1897թ.- 350, որից 344-ը՝ հայ, 6-ը՝ իսլամ,
1908թ.- 424,
1914թ.- 466, ըստ Կովկասյան օրացույցի՝ 554,
1916թ.- 473,
1919թ.- 804, բոլորը՝ հայ,
1922թ.- 206, բոլորը՝ հայ,
1926թ.- 296, բոլորը՝ հայ,
1931թ.- 326, բոլորը՝ հայ:
Համաձայն Շիրակի մարզպետարանի կայքի տվյալների, Կարմրավանը ներկայումս ունի 234 բակիչ:
Հարթաշեն գյուղը մաս է կազմում Սարապատ համայնքի:
Սարապատ համայնքի մեջ են մտնում Թորոսգյուղ, Արփենի, Բաշգյուղ, Գոգհովիտ, Լեռնագյուղ, Կաքավասար, Հարթաշեն, Հողմիկ, Ձորաշեն, Մուսայելյան, Սալուտ, Սարապատ, Վարդաղբյուր, Ցողամարգ և Փոքր Սարիար բնակավայրերը:
Հարթաշենը գտնվում է Աշոցք գյուղից 5-6 կմ հարավ-արևելք, մարզկենտրոն Գյումրիից՝ 34 կմ հեռավորության վրա: Տեղադրված է փոքրիկ գետակի հովտում, հարթավայրում` ծովի մակարդակից 2030 մետր բարձրության վրա:
Նախկինում մտել է Երևանի նահանգի Ալեքսանդրապոլի գավառի մեջ:
Նախկինում ունեցել է Դուզխարաբ, Դուզքենդ, Դուզքենդ Ներքին, Խըշ-Խըչ, Ղայղուլի, Ղայղուլի Դուզքենդ անվանումները: Հարթաշեն է վերանվանվել 1946-ի նոյեմբերի 12-ին:
Հարթաշենի բնակչությունը ըստ հաշվառումների և մարդահամարների (Զավեն Կորկոտյանի “Խորհրդային Հայաստանի բնակչությունը վերջին հարյուրամյակում (1831-1931)”) եղել է հետևյալը.
1873թ.- 328, բոլորը՝ հայ,
1886թ.- 424, բոլորը՝ հայ,
1897թ.- 428, բոլորը՝ հայ,
1908թ.- 532,
1914թ.- 585, ըստ Կովկասյան օրացույցի՝ 692,
1916թ.- 706,
1919թ.- 980, բոլորը՝ հայ,
1922թ.- 403, բոլորը՝ հայ,
1926թ.- 442, բոլորը՝ հայ,
1931թ.- 509, բոլորը՝ հայ:
Համաձայն Շիրակի մարզպետարանի կայքի տվյալների, Հարթաշենը ներկայումս ունի 136 բակիչ:
Լուսանկարում՝ Կարմրավան գյուղից պատկեր, լուսանկարը՝ ՀԵՏՔ-ի
Կարդալ և դիտել՝
