«Դովեղ» ֆուտբոլային ակումբ հասարակական կազմակերպությունը հոկտեմբերի 3-4-ին կազմակերպում է ֆուտբոլի մրցաշար Տավուշի մարզի Նոյեմբերյանի շրջանի գյուղերի դպրոցների միջև։
Մրցաշարը անց կկացվի Նոյեմբերյանի քաղաքային մարզադաշտում։ Մրցաշարը կրելու է «Անկախության գավաթ» անունը:
Թիմերը խաղալու են 1+7 (դարպասապահ և 7 խաղացող) սկզբունքով, բնական խոտածածկի վրա՝ 40 մետր լայնություն և 70 մետր երկարությամբ դաշտում:
Ամեն դպրոցի թիմ պետք է ունենա առնվազն 10 (8-ը՝ դաշտում, 2-ը՝ պահեստային) խաղացող՝ մինչև 15 տարեկան (մինչև 9-րդ դասարանը ներառյալ), ինչպես նաև ֆիզկուլտուրայի ուսուցիչ-մարզիչ:
«Դովեղ» ֆուտբոլային ակումբը կհոգա մրցաշարի անցկացման բոլոր ծախսերը, այդ թվում՝ դպրոցականների տեղափոխման և սնունդի հարցերը։
Մրցաշարի հաղթող դպրոցները և լավագույն ֆուտբոլիստները կստանան պարգևներ՝ գնդակներ, մարզազգեստ և աշխարհահռչակ ֆուտբոլիստների մասին գրքեր։
Այն դպրոցները, որոնք ցանկություն ունեն մասնակցել մրցաշարին, պետք է մինչև սեպտեմբերի 22-ը դիմեն «Դովեղ» ֆուտբոլային ակումբին՝ գրելով հետևյալ էլեկտրոնային հասցեին՝ doveghfc@gmail.com կամ ֆեյսբուքի էջին՝ Դովեղ ֆուտբոլային ակումբ/Dovegh Football Club, կամ զանգահարել հետևյալ հեռախոսահամարներով՝ 091 42 64 35 կամ 098 65 53 21։
Անհատներն ու կազմակերությունները, որոնք կցանկանային իրենց նպաստը բերել և ֆինանսական աջակցություն ցուցաբերել, դրա հնարավորությունը ունեն:
«Դովեղ» ֆուտբոլային ակումբի հաշվեհամարներն են.
Կոնվերս Բանկ – 19300 68430910100 – Հայկական դրամ
19300 68430910101 – ԱՄՆ դոլար
19300 68430910104 – Եվրո:
«Դովեղ» ֆուտբոլային ակումբ ՀԿ
