Ծափաթաղ գյուղը գտնվում է Սևանի ավազանում, լճի արևելյան ափին, մտնում է Գեղարքունիքի մարզի խոշորացված Շողակաթ համայնքի կազմ:
Այս գյուղում բնակիչների հստակ թվի մասին առաջին տեղեկությունը վերաբերում է 1873-ին: Այդ ժամանակ գյուղն ուներ Բաբաջան անունը: 1978-ից մինչև 1991 թվականը գյուղը կրել է Կըզըլքենդ անունը:
1873-ից մինչև 1988 թվականը գյուղում բնակվել են թաթարներ, այն է՝ ադրբեջանցիներ: Նրանց հեռանալուց հետո այստեղ հաստատվել են հայեր Ադրբեջանից:
Թուֆենկյանը Ծափաթաղում տարիներ առաջ կառուցել է հարմարավետ հյուրանոց:
Ծափաթաղից մի քանի հարյուր մետր հարավ հոսում է Շամփուր գետակը, որը սկիզբ է առնում Սևանի լեռների արևմտյան լանջերից և թափվում լիճ: Երկարությունը 8 կիլոմետր է:
Ծափաթաղ գյուղի բնակչությունը (աղբյուրը՝ Զավեն Կորկոտյան, “Խորհրդային Հայաստանի բնակչությունը վերջին հարյուրամյակում (1831-1931)”, ըստ տարիների, եղել է հետևյալը.
1873 թվական – 107 հոգի, բոլորը՝ թաթար,
1886 թվական – 173 հոգի, բոլորը՝ թաթար,
1897 թվական – 244 հոգի (համառուսական՝ ցարական մարդահամար), բոլորը՝ իսլամ,
1908 թվական – 259 հոգի,
1914 թվական – 265 հոգի, ըստ Կովկասյան օրացույցի,
1914 թվական – 270 հոգի, ըստ արխիվային տվյալների,
1916 թվական – 290 հոգի,
1919 թվական – 265 հոգի,
1922 թվական – 309 հոգի, բոլորը՝ թրքո-թաթար,
1926 թվական – 345 հոգի (ԽՍՀՄ առաջին մարդահամար), բոլորը՝ թուրք,
1931 թվական – 373 հոգի, բոլորը՝ թուրքական խումբ:
Պատրաստեց Թաթուլ Հակոբյանը
Լուսանկարը՝ Թաթուլ Հակոբյանի
Կարդալ և դիտել նաև՝
