Հայաստանի առաջին նախագահ Լևոն Տեր-Պետրոսյանը Մարտի 1-ի քրեական գործի շրջանակներում վկայի կարգավիճակով այսօր հարցաքննվել է Հատուկ քննչական ծառայությունում, «Ազատությանը» ասել է նրա մամուլի խոսնակ Արման Մուսինյանը:
Հարցաքննությունը տևել է 1.5 ժամ: Լևոն Տեր-Պետրոսյանը 2008 թվականին գլխավորում էր համաժողովրդական շարժումը:
Երկու անգամ՝ վկայի կարգավիճակով, օրերս հարցաքննվել է նաև երրորդ նախագահ Սերժ Սարգսյանը, իսկ երկրորդ նախագահ Ռոբերտ Քոչարյանին մեղադրանք է առաջադրվել 2008-ի հետընտրական իրադարձությունների ժամանակ սահմանադրական կարգը տապալելու հոդվածով։
