Շաբաթ և կիրակի, փետրվարի 2-3-ին Բերդ քաղաքի մարզադահլիճում և Ներքին Կարմիր Աղբյուր գյուղում «Դովեղ» ֆուտբոլային ակումբը կազմակերպել էր մինի ֆուտբոլի մրցաշար Տավուշի մարզի Բերդի (նախկին Շամշադին) շրջանի գյուղերի դպրոցականների միջև:
Մրցաշարի կազմակերպմանը մասնակցել էր Եդուարդ Մսրլեանը՝ Սան Ֆրանցիսկոյից։
Փետրվարի 2-ին, Բերդ քաղաքի մարզադահլիճում մրցեցին 2006-2008 թվականներին ծնված դպրոցականների թիմերը: Մրցաշարն ավարտվեց Բերդի թիվ 3 դպրոցի հաղթանակով։ Երկրորդ տեղը գրավեց Արծվաբերդի դպրոցը, երրորդ տեղը՝ Վերին Կարմիր Աղբյուրը։
Մրցումներն անցկացվեցին օլիմպիական մրցակարգով։ Մասնակցում էր 10 համայնքի դպրոցի թիմ։ Ներկայացնում ենք բոլոր հանդիպումներն ու արդյունքները․
Տավուշ-Բերդի թիվ 3՝ 2-5
Վերին Կարմիր Աղբյուր-Բերդի թիվ 1՝ 0-3
Ծաղկավան-Արծվաբերդի միջնակարգ՝ 1-2
Բերդի թիվ 4-Այգեձոր՝ 1-3
Ներքին Կարմիր Աղբյուր-Այգեպար՝ 3-5
Բերդի թիվ 3-Վերին Կարմիր Աղբյուր՝ 3-0
Արծվաբերդ-Այգեձոր՝ 4-2
Արծվաբերդ-Այգեպար՝ 4-2
Բերդ թիվ 3-Արծվաբերդ՝ 3-2
Կիրակի, փետրվարի 3-ին, Ներքին Կարմիր Աղբյուրի փոքր դաշտում մրցեցին 2003-2005 թվականներին ծնված դպրոցականները: Կրկին մասնակցում էր 10 համայնքի դպրոցի թիմ։ Եվ կրկին՝ մրցաշարն ավարտվեց Բերդի թիվ 3 դպրոցի հաղթանակով։ Երկրորդ տեղը գրավեց Նորաշենը, երրորդ տեղը՝ Ծաղկավանը։
Ներկայացնում ենք բոլոր հանդիպումներն ու արդյունքները․
Ներքին Կարմիր Աղբյուր-Վերին Կարմիր Աղբյուր՝ 3-1
Բերդի թիվ 4-Տավուշ՝ 3-1
Նորաշեն-Մովսես՝ 3-1
Բերդի թիվ 3-Այգեձոր՝ 3-2
Բերդի թիվ 1-Ծաղկավան՝ 1-2
Բերդի թիվ 4՝-Ներքին Կարմիր Աղբյուր՝ 1-4
Բերդի թիվ 3-Ծաղկավան՝ 6-2
Նորաշեն- Ներքին Կարմիր Աղբյուր՝ 2-1
Բերդի թիվ 3-Նորաշեն՝ 3-2։
Նման մրցաշար կազմակերպելով՝ «Դովեղ» ֆուտբոլային ակումբը հետապնդում է երեք հիմնական նպատակ.
- մասսայականացնել աշխարհի ամենասիրված խաղը՝ ֆուտբոլը, Տավուշի մարզի սահմանային համայնքներում,
- փորձել նոր ֆուտբոլիստներով համալրել ՀՀ ֆուտբոլի մինչև 16 տարեկանների 2018-2019թթ. առաջնությունում հանդես եկող «Դովեղ» թիմը,
- 2019-2020 թթ. ՀՀ ֆուտբոլի մանկապատանեկան առաջնության համար ընտրել ապագա ֆուտբոլիստների: Եկող՝ 2019-2020 թթ. ՀՀ ֆուտբոլի մանկապատանեկան առաջնություններում «Դովեղը» ևս երկու թիմով՝ մինչև 14 և մինչև 15 տարեկանների, ցանկություն ունի մասնակցելու:
«Դովեղ» ֆուտբոլային ակումբ ՀԿ
