«Դովեղ» ֆուտբոլային ակումբը տեղեկացնում է, որ 2019թ հունվարի 12-ին, շաբաթ օրը, Տավուշի մարզի Նոյեմբերյանի շրջանի Կողբ գյուղի «Կողբ» հիմնադրամի մարզադահլիճում կազմակերպում է մինի ֆուտբոլի մրցաշար դպրոցականների միջև (2003-2005 թվականներ):
Մրցաշարին մասնակցելու ցանկություն են հայտնել 18 թիմեր, որոնցից 14-ը Նոյեմբերյանի շրջանի գյուղերի դպրոցներ են, իսկ 4-ը՝ Նոյեմբերյանի «Դովեղ», Իջևանի «Նիկարմ» ֆուտբոլային ակումբի «Նիկարմ» և «Այգեհովիտ» (գյուղ Այգեհովիտ) թիմերը, ինչպես նաև՝ Բերդի տարածաշրջանի Ներքին Կարմիր Աղբյուր գյուղի դպրոցի թիմը:
Հանդիպումները տեղի են ունենալու օլիմպիական մրցակարգով, այսինքն՝ պարտվող թիմերը դուրս են մնալու հետագա պայքարից: Խաղերի տևողությունը լինելու 30 րոպե, ամեն խաղակեսը՝ 15 րոպե 2-3 րոպեանոց ընդմիջումով: Թիմերը խաղալու են 5-ական ֆուտբոլիստներով (1 դարպասապահ և 4 ֆուտբոլիստ):
Ներկայացնում ենք խաղերի զույգերին և յուրաքանչյուր հանդիպման սկիզբը.
1/16 եզրափակիչ
Ա հանդիպում՝ Նոյեմբերյան (Հիմնական դպրոց)-Կողբի թիվ 2 դպրոց, սկիզբը՝ 9.00
Բ հանդիպում՝ Զորական-Դեբեդավան, սկիզբը՝ 9.35
1/8 եզրափակիչ
A Պտղավան-Դովեղ ՖԱ, սկիզբը՝ 10.15
B Հաղթանակ-1/16 Ա հանդիպման հաղթող, սկիզբը՝ 10.50
C Այգեհովիտ ՖԱ-1/16 Բ հանդիպման հաղթող, սկիզբը՝ 11.25
D Բագրատաշեն-Ներքին Կարմիր Աղբյուր, սկիզբը՝ 12.00
E Բերդավան-Կոթի, սկիզբը՝ 12.35
F Նիկարմ ՖԱ-Բաղանիս, սկիզբը՝ 13.10
G Կողբի թիվ 1 դպրոց-Այրում, սիզբը՝ 13.45
H Նոյեմբերյան (Ավագ դպրոց)-Ոսկեվան, սկիզբը՝ 14.20
1/4 եզրափակիչ
A և B հանդիպումների հաղթողներ, սկիզբը՝ 14.55
C և D հանդիպումների հաղթողներ, սկիզբը՝ 15.30
E և F հանդիպումների հաղթողներ, սկիզբը՝ 16.05
G և H հանդիպումների հաղթողներ, սկիզբը՝ 16.40
Կիսաեզրափակիչ
A-B հաղթողը հանդիպում է C-D հաղթողին, սկիզբը՝ 17.15
E-F հաղթողը հանդիպում է G-H հաղթողին, սկիզբը՝ 17.50
Երրորդ տեղի համար խաղ
սկիզբը՝ 18.30
Եզրափակիչ
սկիզբը՝ 19.10
Նման մրցաշար կազմակերպելով՝ «Դովեղ» ֆուտբոլային ակումբը հետապնդում է երեք հիմնական նպատակ.
- մասսայականացնել աշխարհի ամենասիրված խաղը՝ ֆուտբոլը, Տավուշի մարզի սահմանային համայնքներում,
- փորձել նոր ֆուտբոլիստներով համալրել ՀՀ ֆուտբոլի մինչև 16 տարեկանների 2018-2019թթ. առաջնությունում հանդես եկող «Դովեղ» թիմը,
- 2019-2020 թթ. ՀՀ ֆուտբոլի մանկապատանեկան առաջնության համար ընտրել ապագա ֆուտբոլիստների: Եկող՝ 2019-2020 թթ. ՀՀ ֆուտբոլի մանկապատանեկան առաջնություններում «Դովեղը» ևս երկու թիմով՝ մինչև 14 և մինչև 15 տարեկանների, ցանկություն ունի մասնակցելու:
Առավել աչքի ընկած ֆուտբոլիստները կներառվեն ՀՀ ֆուտբոլի մինչև 16 տարեկանների 2018-2019թթ. առաջնությունում հանդես եկող «Դովեղ» թիմի կազմում և նրա հետ կմասնակցեն ուսումնամարզական հավաքներին, այդ թվում՝ կմեկնեն Վրաստան՝ մի քանի ընկերական խաղեր անցկացելու վրաց իրենց հասակակիցների հետ:
Եթե կան անհատ բարերարներ, ՀԿ-ներ կամ հիմնադրամներ, որոնք ցանկություն ունեն իրենց ներդրումը բերել այս մրցաշարի անցկացմանը՝ համաֆինանսավորելով այն, կարող են գրել «Դովեղ» ֆուտբոլային ակումբի էլեկտրոնային հասցեին՝ doveghfc@gmail.com կամ զանգահարել 091 42 64 35 և 098 65 53 21 հեռախոսահամարներով:
«Դովեղ» ֆուտբոլային ակումբ ՀԿ
