Լրագրողների հետ զրույցում ասաց ԱԺ փոխխոսնակ Էդուարդ Շարմազանովը՝ անդրադառնալով վարչապետի եւ խորհրդարանի ներկայացուցիչների բանակցություններին, ասել է․ «Ես մանդատի կռիվ չեմ անում, ես այն ծառայեցրել եմ ձեր շահերին: Այստեղ կարեւորն այն է, որ ՀՀ Սահմանադրությունը չբռնաբարվի»:
Հարցին՝ ՀՀԿ-ն պատրա՞ստ է Նիկոլ Փաշինյանի հետ հուշագիր ստորագրի, որ եթե ընտրությունները տեղափոխվեն մայիս, Շարմազանովը պատասխանել է․ «Վարչապետը պատրա՞ստ է ընտրությունները դեկտեմբերից տեղափոխել: Երբ նա պատրաստ լինի, մենք էլ մեր կարծիքը կհայտնենք: Երեկ շատ բան է քննարկվել, անգամ այն, որ ԱԺ կանոնակարգի փոփոխությանն այլ օրենսդրական լուծում տալ: Պատգամավորները երեկ ցուցաբերել են մեծ լայնախոհություն, բայց մեր պարոն վարչապետը երկու ոտքը դրել է մեկ կոշիկի մեջ ու ասում է՝ դեկտեմբեր, փորձենք քննարկել»:
Էդուարդ Շարմազանովը նշեց, որ վարչապետի հետ համաձայնություն է ձեռք բերվել, որ քննարկումները եւս շարունակեն․ «Չորս անց կես գալու է հարցուպատասխանի, տեսնենք՝ ինչ ենք անում»:
Հարցին, եթե Նիկոլ Փաշինյանը մի քանի օր անց հրաժարական տա, ՀՀԿ-ն վարչապետի թեկնածու առաջադրելո՞ւ է, Շարմազանովն ասաց, որ նման քննարկում չեն ունեցել:
Աղբյուրը՝ Հայկական ժամանակ
