Գիշերը վարչապետ Նիկոլ Փաշինյանի հետ խորհրդարանական ուժերի հանդիպման ընթացքում պայմանավորվածություն ձեռք բերվել չէր կարող, քանի որ տեղի ունեցածը բանակցություններ չէին, «Ազատության» հետ զրույցում ասել է Ազգային ժողովի հանրապետական պատգամավոր Արմեն Աշոտյանը:
Հանդիպման ժամանակ հանրապետականները վարչապետին առաջարկել են արտահերթ ընտրություններն անցկացնել եկող տարվա մայիսին, որի դեպքում, ըստ Արմեն Աշոտյանի, պատրաստակամություն են հայտնել վարչապետի թեկնածու չառաջադրել: Սակայն Նիկոլ Փաշինյանը մերժել է այդ առաջարկը և հայտարարել է, որ պատրաստ է բանակցել ամեն ինչի շուրջ՝ բացի դեկտեմբերին արտահերթ ընտրություններ անցկացնելու տարբերակից, իր այդ պահանջը անփոփոխ է:
Այսօր կեսօրից հետո Հանրապետականը հանդես է գալու հայտարարությամբ՝ անդրադառնալով գիշերը տեղի ունեցած հանդիպմանը իրենց արած առաջարկին:
Արխիվային լուսանկար
