Կազմակերպությամբ Նոր սերունդ մշակութային միության`ուրբաթ, օգոստոսի 24-ի երեկոյան, Գլենդեյլի Կենտրոնական գրադարանում տեղի ունեցավ հրապարակային հանդիպում ՍԻՎԻԼՆԵԹ-ի լրագրող և Հայկական ուսումնասիրությունների ԱՆԻ կենտրոնի համակարգող Թաթուլ Հակոբյանի հետ:
Հանդիպման ընթացքում Հակոբյանը Հայաստանի թավշյա հեղափոխության մասին պատմեց ներսից, բացատրեց, թե ինչպես հնարավոր եղավ իշխանությունից անարյուն հեռացնել Սերժ Սարգսյանին, ովքեր էին հեղափոխության հիմնական դերակատարներն ու խմբերը, ինչ մարտահրավերների առաջ է կանգնած վարչապետ Նիկոլ Փաշինյանը:
Հակոբյանը պատասխանեց շուրջ 150 ներկաների բազմապիսի հարցերի, ներկայացրեց իր և իր կենտրոնի վերջին հրատարակությունները, մասնավորապես՝ ՍԴՀԿ նշանավոր գործիչ և կուսակցության հիմնադիրներից Ստեփան Սապահ-Գիւլեանի «Պատասխանատուները» գիրքը, Հայաստանի Հանրապետության առաջին վարչապետ Հովհաննես Քաջազնունու երեք աշխատությունները, երկրորդ վարչապետ Ալեքսանդր Խատիսյանի «Հայաստանի Հանրապետության ծագումն ու զարգացումը», Ռուբեն Տեր Մինասյանի «Հայաստանի Հանրապետությունը» և այլ հատորներ:
Հայկական ուումնասիրությունների ԱՆԻ կենտրոն
