Նախընտրական այս օրերին սոցիալական ցանցերը լեցուն են քաղաքական գործիչների նկարներով:
Դրանցից հատկապես մեկը գրավեց մեր ուշադրությունը. «Բարգավաճ Հայաստան» կուսակցության և «Ծառուկյան» դաշինքի առաջնորդ Գագիկ Ծառուկյանն ու այդ դաշինքի համամասնական ցուցակի 30-րդ հորիզոնականը զբաղեցնող Մանուկ Սուքիասյանը ներկայանում են Հայաստանի Առաջին Հանրապետության առաջին վարչապետ Հովհաննես Քաջազնունու «Ազգ և Հայրենիք» գրքով:
Հայ քաղաքական ու փիլիսոփայական մտքի պատմության այս արժեքավոր հատորը բոլորովին վերջերս վերահրատարակել է Հայկական ուսումնասիրությունների ԱՆԻ կենտրոնը:
Մանուկ Սուքիասյանը 2013-ին հիմնադրված «Առաքելություն» կուսակցության քաղխորհրդի անդամ է: Նա առաջադրվել է նաև թիվ 1 ընտրական տարածքի տարածքային ցուցակով, որն ընդգրկում է Երևանի Ավան, Նոր Նորք, Զեյթուն, Քանաքեռ համայնքները:
«Առաքելությունը» «Ծառուկյան» դաշինքին միացած ուժերից է:
