Այսօր, փետրվարի 10-ին, Հայաստանի ԳԱԱ-ի Պատմության ինստիտուտում տեղի ունեցավ լիբանանահայ պատմաբան, արխիվագետ Երուանդ Փամպուքեանի «Նիւթեր Հ. Յ. Դաշնակցութեան պատմութեան համար» հատորների երևանյան շնորհանդեսը։
ՀՅԴ արխիվի նյութերը հրատարակվել սկսվել են «Հայրենիք» ամսագրում` Սիմոն Վրացյանի դասավորումով: Ապա 1934 և 1938 թվականներին ՀՅԴ արխիվային նյութերը հրատարակվել են երկու հատորով` «Դիվան Հ. Յ. Դաշնակցության» խորագրով: Արխիվի որոշ նյութեր 1930-ականներին տպագրվել են «Դրոշակ» և «Վեմ» հանդեսի էջերում: 1962-ին Վրացյանը ՀՅԴ արխիվի նյութերն է օգտագործել «Հին թղթեր նոր պատմության համար»-ում:
ՀՅԴ Բյուրոյի որոշումով կուսակցության արխիվները համակարգված ձևով` հատորներով սկսեց պատրատել և խմբագրել Հրաչ Տասնապետյանը` «Նիւթեր Հ. Յ. Դաշնակցութեան պատմութեան համար» խորագրով: Տասը տարիների ընթացքում` 1972-1982 թթ., լույս տեսավ չորս հատոր: Տասնապետյանի հիվանդությունն ու մահը հետագա հատորների լույս ընծայումը դադարելու պատճառ դարձավ: Ավելի քան երկու տասնամյակ ընդմիջումից հետո անց այդ գործը շարունակեց Երուանդ Փամպուքեանը:
Վերջին տարիներին Փամպուքեանի աշխատասիրությամբ լույս է տեսել 8 հատոր։
Կարդալ նաև՝
Իմ սեղանի գրքերից՝ «Նիւթեր Հ. Յ. Դաշնակցութեան պատմութեան համար»
Արխիվային լուսանկար
