Ռաֆֆի Հովհաննիսյանը հունվարի 16-ին հանդիպել է Պաշտպանության նախկին նախարար Սեյրան Օհանյանի հետ և նրան հիշեցրել, որ իր ղեկավարման տարիներին բանակը մասնակցել է ընտրակեղծարարությանը: Այս հանգամանքը և այն իրականությունը, որ 2008-ի Մարտի 1-ին Օհանյանը զորքը իջեցրել է Երևան, չեն խանգարում, որ «Ժառանգություն»-ը ապրիլի 2-ին կայանալիք ընտրությունների ժամանակ համագործակցի նրա հետ:
«Օհանյանը ունի շատ կարևոր պետական փորձ, ունի տալիք մեր երկրին, նաև՝ ապագա ղեկավար կարող է դառնալ»,- ասել է Հովհաննիսյանը։
«Ժառանգություն» կուսակցությունը ընտրությունների կգնա Հայաստանի ինքնիշխանությանն ու սահմանադրականությանը նվիրված ուժերի հետ, հաղորդում է Ա1 պլյուսը:
«Սեյրան Օհանյան, Արամ Սարգսյանը… Լեցուն քաղաքական գործիչներ կան, ում հետ ես համաձայն եմ, ում հետ ես ունեցել եմ մեծ մեծ տարաձայնություններ, մարդիկ, ովքեր ինձ վիրավորել են»,- ասել է Հովհաննիսյանը։
Հայաստանի ժողովուրդը փոփոխություն է պահանջում։ Հենց սա է «Ժառանգության» առաջնորդին մղում համագործակցել երբեմնի հակառակորդների հետ։
«Սխալական են բոլորը, այդ թվում ես»,- ասել է Հովհաննիսյանը և ընդուննել, որ հենց իր սխալի պատճառով 2012-ին պատգամավոր չդարձան Արմեն Մարտիրոսյանը, Ստեփան Սաֆարյանն ու Անահիտ Բախշյանը։
Վերջինս, ի դեպ, նախօրեին հեռացել է «Ժառանգություն»-ից:
Կարդալ նաև՝
https://www.aniarc.am/2016/03/01/seyran-ohanian-march-1-address/
