Ազգային ժողովում իշխանական ՀՀԿ խմբակցության ղեկավար Վահրամ Բաղդասարյանը հայտարարել է, որ 2017 թվականի ապրիլի 2-ին կայանալիք խորհրդարանական ընտրություններին ՀՀԿ ցուցակը կգլխավորի Սերժ Սարգսյանը:
Բաղդասարյանը, ըստ ԳԱԼԱ-ի, նշել է, որ դա իր անձնական համոզմունքն է, և որ այդ մասին կուսակցությունը դեռ քննարկում չի ունեցել և չունի որոշում:
ՀՀԿ առաջնորդ Սերժ Սարգսյանը գլխավորել է կուսակցության ցուցակը 2007 և 2012 թվականների խորհրդարանական ընտրություններում:
Սարգսյանը ՀՀԿ-ին անդամակցել է 2006-ին: 1990-ական թթ. սկզբին Սարգսյանը մաս է կազմել ՀՀՇ-ին, իսկ խորհրդային տարիներին առնվազն 10 տարի եղել է Կոմունիստական կուսակցության անդամ:
