Ապրիլի 22-ին Երևանում տեղի ունեցավ թուրքագետ Հայկ Գաբրիելյանի «Էրդողանի պայքարը Հին Թուրքիայի դեմ» գրքի շնորհանդեսը, որը կազմակերպել էր Հայկական ուսումնասիրությունների ԱՆԻ կենտրոնը:
Լրագրող, ԱՆԻ կենտրոնի համակարգող Թաթուլ Հակոբյանը, ներկայացնելով աշխատությունը, հատկապես կարևորեց այն իրողությունը, որ Գաբրիելյանը Թուրքիայի ներքին և արտաքին քաղաքականությանը անդրադառնում է բացառապես գիտական, քաղաքական, փորձագիտական տեսանկյունից՝ հեռու մնալով քարոզչական խոսույթից:
Հատորի հեղինակը կարճ անդրադարձ կատարեց գրքին և այս տարվա ընթացքում հրատարակվելիք մյուս երեք հատորներին, որոնք վերաբերում են Թուրքիայի արտաքին քաղաքականությանը, հարևանների հետ հարաբերություններին, ապա պատասխանեց շուրջ երեք տասնյակ ներկաների բազմաբնույթ հարցերին:
Շնորհանդեսի ավարտին տեղի ունեցավ հյուրասիրություն:
Գաբրիելյանի հինգհատորյակի առաջին երկու գրքերը՝ «Էրդողանը և Քրդական խնդիրը» և «Էրդողանի պայքարը Հին Թուրքիայի դեմ», կարող եք ձեռք բերել ինչպես Երևանի գրատներից, այնպես էլ ԱՆԻ կենտրոնից և հեղինակից՝ նրա ստորագրությամբ:
Հայկական ուսումնասիրությունների ԱՆԻ հիմնադրամ
22 ապրիլի, 2024թ
