Ապրիլի 6-ի երեկոյան դրությամբ, ինչպես հերթական մամուլի ասուլիսում ներկայացրեց Արցախի պաշտպանության նախարարության օպերատիվ բաժնի պետ, գնդապետ Վիկտոր Առուստամյանը, հայկական կողմը ապրիլի 1-ից սկսված Ադրբեջան-Արցախ պատերազմում տվել է.
32 զոհված զինծառայող, որից 8 սպա-ենթասպա,
25 անհետ կորած զինծառայող,
121 վիրավոր զինծառայող, որից 24 սպա-ենթասպա:
Եթե հավելենք ապրիլի 6-ի երեկոյան Թալիշի ուղղությամբ մարտական հենակետում հակառակորդի ականանետային կրակոցից զոհված պայմանագրային զինծառայող Արմեն Կառլենի Գասպարյանին, ապա հայկական կողմի զոհերը կլինի 33 հոգի:
Արցախյան զինուժը կորցրել է.
14 տանկ
4 ՀՄՄ
ԱՆԻ կենտրոնի տեղեկություններով՝ հյուսիս-արևելյան՝ Թափկարակոյունլու-Թալիշ/Մատաղիս ուղղությամբ, Արցախյան բանակը վերատիրել է ավելի վաղ կորցրած բոլոր ռազմական հենակետերին:
Հարավ-արևելյան ուղղությամբ Արցախյան բանակը լիովին չի վերատիրել ավելի վաղ կորցրած 5 հենակետերին: Խոսքը, մասնավորապես, վերաբերում է Լելե թեփե բլուրին, որը, գնդապետ Առուստամյանի խոսքերով, գտնվում է շփման գծի միջդիրքային հատվածում: Գնդապետը ասել է, որ այդ բլուրը, որ կարևոր նշանակություն չունի, հակառակորդի կողմից գրավված է:
Արցախյան կողմի տվյալներով՝ ադրբեջանի մարդկային և զինուժի կորուստները բազմապատիկ ավելի են.
24 տանկ,
12 անօդաչու թռչող սարք,
6 զրահապատ մեքենա,
2 ուղղաթիռ,
1-ական՝ «Գրադ», ՀԿՌՀ, ինժեներական մեքենա, ՀՄՄ, ՏՕՍ-1Ա հրանետ:
Ադրբեջանի մարդկային կորուստները, ըստ տարբեր աղբյուրների, տատանվում է 50-ից 300-ի սահմաններում:
