Հայկական ուսումնասիրությունների ԱՆԻ կենտրոնը Գորիսի Միրհավ հյուրանոցում փետրվարի 29-ի երեկոյան ներկայացրել է իր նոր ու հին հրատարակությունները, ինչպես նաև կենտրոնի համակարգող Թաթուլ Հակոբյանի գրքերը:
Ինչպես Ստեփանակերտում, այնպես էլ Գորիսում, ներկաները հնարավորություն են ունեցել ծանոթանալ և ձեռք բերել այդ հատորները, այդ թվում՝
Հովհաննես Քաջազնունի- «Հ. Յ. Դաշնակցությունն անելիք չունի այլևս»,
Սիմոն Վրացյան- «Խարխափումներ»,
Արշակ Ջամալյան- «Հ. Քաջազնունին և Հ. Յ. Դաշնակցությունը»,
Ռուբէն Դարբինեան- «Մեր Պատասխանը Յովհաննէս Քաջազնունիի»,
Վահան Նավասարդյան- «Հ. Յ. Դաշնակցության անելիքը»:
Գրքերը ներկայացրել է լրագրող Թաթուլ Հակոբյանը: Նա պատասխանել է նաև ներկաների հարցերին:
Ստեփանակերտից և Գորիսից հետո ԱՆԻ կենտրոնի հրատարակած գրքերի հաջորդ շնորհանդեսը կկայանա Երևանում՝ մարտի 3-ին ժամը 3-ին ՀԱՅ ԳԻՐՔ գրախանութում (Իսահակյան փողոց, 16):
Շնորհանդեսի ավարտին կլինի հյուրասիրություն:
Հայկական ուսումնասիրությունների ԱՆԻ կենտրոն
