Վաղը` նոյեմբերի 5-ին, Անտիոքի Ասորական մարոնիական եկեղեցու պատրիարքության պատերից ներս (Բքերքե, Լիբանան) տեղի կունենա համաքրիստոնեական հավաք` հովանավորությամբ Անտիոքի և Համայն Արևելքի մարոնի (կաթոլիկ) եկեղեցու ամենապատիվ կարդինալ Բշարա Ռայի պատրիարքի:
Հավաքը կազմակերպվում է Հայոց ցեղասպանության 100-ամյակին նվիրված հայկական խաչքարի բացման արարողության շրջանակներում:
Հավաքին մասնակցելու են Մեծի Տանն Կիլիկիո կաթողիկոս Արամ Ա-ն և քրիստոնյա համայնքների հոգևոր պետեր ու ներկայացուցիչներ, Լիբանանի պետական և քաղաքական շրջանակների բարձրաստիճան դեմքեր:
Այս ձեռնարկի գաղափարը տվել, ոգեշնչել և խրախուսել է բարերար Սարգիս Պուտագեանը:
Բքերքեի ձեռնարկին մասնակցելու հրավեր է ստացել նաև լրագրող, Սիվիլիթասի վերլուծաբան և Հայկական ուսումնասիրությունների ԱՆԻ կենտրոնի համակարգող Թաթուլ Հակոբյանը:
Հայկական ուսումնասիրությունների ԱՆԻ կենտրոն
