Նոյեմբերի 9-ին Ախալքալակի Երիտասարդական կենտրոնում Բեյրութի Հայկազյան համալսարանի հայագիտական Ամբիոնը՝ գործակցաբար Երևանի Հայկական ուսումնասիրությունների ԱՆԻ կենտրոնի և Սամցխե-Ջավախքի հայկական հասարակական կազմակերպությունների խորհրդի, կներկայացնի Հայկազյան Հայագիտական Հանդեսի 35-րդ հատորը:
Շուրջ 950 էջանոց այս հատորը ամբողջովին նվիրված է Հայոց ցեղասպանության 100-ամյակին:
Հատորը կներկայացնի Հայկազյան համալսարանի հայագիտական ուսումնասիրությունների կենտրոնի ղեկավար և Հանդեսի պատասխանատու քարտուղար, դոկտոր Անդրանիկ Դաքեսյանը:
Միջոցառումը կկայանա ժամը 14.00-ին:
Իսկ նախօրեին՝ նոյեմբերի 8-ին, Հայկազյան Հայագիտական Հանդեսի 35-րդ հատորը կներկայացվի Թբիլիսիում՝ Հայ առաքելական եկեղեցու Վիրահայոց թեմի ՀԱՅԱՐՏՈՒՆ կենտրոնում:
Հայկական ուսումնասիրությունների ԱՆԻ կենտրոն
Լուսանկարում՝ Բեյրութի Հայկազյան համալսարանի կենտրոնական կորպուսը
