Համահայկական վեցերորդ խաղերը, որոնք կրելու են «Միասնություն սպորտով» կարգախոսը, անց են կացվելու օգոստոսի 2-13-ը Երևանում, Ստեփանակերտում, Գյումրիում, Վանաձորում, Աբովյանում, Արտաշատում:
Համահայկական խաղերի համաշխարհային կոմիտեի նախագահ (կազմկոմիտեի նախագահ) Իշխան Զաքարյանը ասել է, որ խաղերի հանդիսավոր բացումը կատարվելու է Հանրապետական մարզադաշտում, իսկ փակումը՝ օգոստոսի 13-ին՝ Թատերական հրապարակում:
Համահայկական Առաջին խաղերն անց են կացվել 1999թ. օգոստոսի 23-ից սեպտեմբերի 5-ը Երևանում: Խաղերի կրակը Գառնիի հեթանոսական տաճարից փոխանցավազքերով հասցվել է Հրազդան մարզադաշտ, որտեղ լեգենդար մարմնամարզիկ, օղակների արքա Ալբերտ Ազարյանը վառել է ծաղերի ջահը:
Համահայկական խաղերին մասնակցում են մարզիկներ Հայաստանից, Արցախից և Սփյուռքից:
